Një aksident trafiku ka ndodhur në fshatin Gjonaj të Komunës së Prizrenit, ku për pasojë ka vdekur një këmbësore.

40 vjeçarja M.H nga Kabashi i Hasit, është goditur nga një veturë derisa po e kalonte rrugën.

Lajmin për lajmi.net e ka konfirmuar zëdhënësi i Policisë së Kosovës në rajonin e Prizrenit, Shaqir Bytyqi i cili ka thënë se i dyshuari është 29 vjeçari me inicialet E.K.

I dyshuari është dorëzuar në Stacionin Policor të Njësisë Rajonale të Trafikut Rrugor në Prizren, ndërsa Policia bashë me Prokurorinë po ndërmerr veprimet e nevojshme për të sqaruar të gjitha rrethanat e rastit.

“Me datë 02.09.2025, rreth orës 12:50, Policia e Kosovës ka pranuar një informatë për një aksident trafiku në fshatin Gjonaj, komuna e Prizrenit. Patrulla policore e Njësisë Rajonale të Trafikut Rrugor ka dalë menjëherë në vendin e ngjarjes dhe ka konstatuar se një këmbësore, M.H., rreth 40 vjeç, nga Kabashi i Hasit, ka humbur jetën si pasojë e aksidentit, pasi është goditur nga një veturë derisa ka qenë duke e kaluar rrugën. I dyshuari, E.K., 28-vjeçar nga Zymi i Hasit, drejtues i automjetit të përfshirë në aksident, është dorëzuar në Stacionin Policor të Njësisë Rajonale të Trafikut Rrugor në Prizren. Policia, në bashkëpunim me Prokurorinë, po ndërmerr veprimet e nevojshme për të sqaruar të gjitha rrethanat e rastit”, ka thënë Bytyqi. /Lajmi.net/