Dhomat e Specializuara të Kosovës (DhSK) në Hagë kanë vendosur të vazhdojnë masën e paraburgimit për Rexhep Selimin dhe Jakup Krasniqin, për një periudhë tjetër prej dy muajsh.

Në vendimin e tyre, thuhet se paneli ka konkluduar se aktualisht s’ka informacione të mjaftueshme që të justifikojnë rrezikun e largimit nga drejtësia nga ana e Selimit dhe Krasniqit.

Megjithatë, thuhet se “është evidentuar rreziku që të dy të akuzuar mund të kryejnë krime” të mëtejshme kundër procedurave gjyqësore dhe të pengojnë dëshmitarët.

“Gjithashtu më 13 shtator, Trupi Gjykues urdhëroi vazhdimin e paraburgimit të Jakup Krasniqit dhe Rexhep Selimit. Kolegji konstatoi se për të dy të akuzuarit vazhdon të ekzistojë rreziku që ata mund të pengojnë përparimin e procedurës dhe/ose të kryejnë krime të mëtejshme kundër atyre që perceptohen si kundërshtarë të UÇK-së, duke përfshirë dëshmitarët që kanë ofruar ose mund të ofrojnë prova në këtë rast dhe /ose duhet të paraqiten para Dhomës së Specializuar. Paneli përsëriti klimën e vazhdueshme të frikësimit të dëshmitarëve në Kosovë dhe theksoi se duket se z. Selimi ua zbuloi informatat e privilegjuara palëve të treta të paautorizuara. Paneli arriti në përfundimin se kjo është vetëm përmes kornizës së monitorimit të komunikimit të zbatueshme tek Specialisti”, thuhet në vendim

Objektet e paraburgimit të dhomave ku komunikimi i të akuzuarit mund të kufizohen në një mënyrë që do t’i zbuste mjaftueshëm këto rreziqe”, thuhet në njoftimin e DhSK-së.