Shiu dhe breshëri i rrëmbyeshëm në Lyon gjatë kësaj jave ka detyruar UEFA-n që të marrë masa drastike për të ruajtur gjendjen e terrenit të stadiumit në të cilin nesër në darkë do të luhet takimi vendimtar mes Shqipërisë dhe Rumanisë për të caktuar skuadrën që renditet e treta në Grupin A.

Organizatorët e aktivitetit kanë vendosur që të mos lejojnë asnjërën prej dy skuadrave që të zhvillojnë stërvitjen e zakonshme në impiant një ditë para ndeshjes, përcjell “Panorama Sport”.

Për të dy ekipet është planifikuar që të zhvillojnë stërvitjet e tyre në një tjetër fushë stërvitore në qytetin e Lionit.

Tapeti i gjelbër i stadiumit u dëmtua shumë gjatë ndeshjes mes Irlandës së Veriut dhe Ukrainës që u luajt dy ditë më parë.

Parashikoni ndeshjet e EURO 2016 dhe fitoni dhjetëra shpërblime, duke përfshirë një iPhone 6S dhe Samsung Galaxy Note 4.