Dueli mes Tyson Fury dhe Anthony Joshua tashmë është vënë në dyshim.

Dy boksierët britanikë janë duke negociuar tash e sa kohë në mënyrë jo-formale një duel të mundshëm mes tyre.

Megjithatë, së fundmi gjasat kanë marrë një goditje, pas deklaratave të John Fury, babait të Tyson, përcjell lajmi.net.

Babai i Fury ka thënë se mund të ecin tutje dhe t’i japin mundësinë gjermanit Manuel Charr.

Edhe Eddie Hearn beson se gjasat janë të vogla për një duel mes dyshes britanike.

Mbetet të shihet nëse ndonjë kthesë tjetër do të bëhet, ose nëse nuk do të shohim asnjëherë duelin Fury-Joshua. /Lajmi.net/