Si rezultat i sulmeve ajrore, të ndërmarra nga aeroplanët luftarak të Turqisë dhe të Shteteve të Bashkuara të Amerikës në Siri, janë vrarë së paku 50 pjesëtarë të Shtetit Islamik, ndërsa mbi 30 të tjerë janë plagosur.

Në sulmet ajrore u përfshinë gjashtë aeroplanë luftarak të Turqisë si dhe një fluturake pa pilot, që i takon koalicionit ndërkombëtar, të kryesuar nga Shtetet e Bashkuara të Amerikës.

Gjatë këtij operacioni janë shkatërruar tetë shënjestra të Shtetit Islamik, në një hapësirë që shtrihet pesë kilometra në thellësi të territorit të Sirisë, në afërsi të provincës turke, Kilis.

Operacioni është mbështetur edhe nga forcat turkmene, të angazhuara në terren në Siri./Anadolu Agency