Blaise Matuidi, Paulo Dybala e Daniele Rugani ishin tre lojtarët e Juventus të cilët u infektuan me koronavirus.

Sipas ‘Tuttosport’, lojtarët nuk kanë më probleme fizikisht dhe kjo është konfirmuar edhe pas stërvitjeve që zhvilluan ata, transmeton lajmi.net.

Matuidi dhe Rugani ishin të prekurit që nuk patën simptomat e virusit, kurse Dybala është në mesin e atyre që kanë vuajtur më shumë.

Argjentinasi është stërvitur me kapacitetet e plota, njësoj sikur pjesa tjetër e skuadrës.

Lojtari pritet të jetë krejtësisht i gatshëm për rifillimin e sezonit dhe të mos ketë ndikime në formën e tij. /Lajmi.net/