Anglezi ka dështuar të fitojë minuta javëve të fundit në Premierligë, derisa dje nuk ishte as i ftuar për takimin ndaj Burnley, transmeton lajmi.net.

Pavarësisht që zhvilloi 90 minuta në pesë ndeshjet e fundit, Alli ka qenë zëvendësues i panevojshëm në tre ndeshjet e fundit.

Presidenti Daniel Levy që nuk e lejoi Alli të largohet verën e kaluar te PSG, tani është i hapur ta shesë këtë afat dimëror.

Raporti shton se Newcastle United mund të interesohet për mesfushorin ofensivë, derisa nuk përjashtohet kalimi në “Parkun e Princave”.

Alli ka shënuar dy gola dhe dhuruar një asistim në 11 ndeshje në të gjitha garat këtë sezon, derisa ka kontratë edhe për tre vite, deri me 2024./Lajmi.net/