Tom dhe Rita rikthehen në shtëpinë e tyre pas trajtimit me koronavirus në Australi
Tom dhe bashkëshortja e tij Rita janë kthyer në shtëpi.
ShowBiz
Po trajtoheshin në Australi pasi ishin infektuar me virusin Covid -19, por tani Tom Hanks dhe bashkëshortja e tij Rita Wilson janë kthyer në shtëpinë e tyre në Los Angeles, shkruan lajmi.net.
Lajmin e mirë e ka ndarë vetë aktori nëpërmjet një postimi në llogarinë e tij në Twitter.
“Hej njerëz. Ne jemi tani në shtëpi dhe, si pjesa tjetër e Amerikës, vazhdojmë me strehimin në vend dhe distancën sociale. Shumë, shumë faleminderit për të gjithë në Australi që kujdeseshin për ne. Kujdesi dhe udhëzimi i tyre bëri të mundur kthimi tonë në Sh.B.A. Rita dhe unë e vlerësojmë shumë”, u shpreh aktori i “Cast Away”.
Thuhet se ata qëndruan në një spital në Queensland për pesë ditë para se të liroheshin.
Kujtojmë se ata i kanë mbajtur fansat e informuar lidhur me gjendjen shëndetësore./Lajmi.net/
— Tom Hanks (@tomhanks) March 28, 2020