Në rezidencën e ambasadorit amerikan në Prishtinë, kryeministri në detyrë i Kosovës, Albin Kurti, ka zhvilluar një darkë pune me Brendan Hanrahan, Zyrtar i Lartë i Departamentit Amerikan të Shtetit për Çështje Evropiane dhe Euroaziatike.

Darka u shtrua nga E Ngarkuara me Punë e Ambasadës së SHBA-së në Kosovë, Anu Prattipati, transmeton lajmi.net

Në këtë takim ishin të pranishëm edhe ministrja në detyrë e Ekonomisë, Artane Rizvanolli, dhe ministri në detyrë për Komunitete dhe Kthim, Nenad Rashiq.

Kryeministri Kurti i uroi mirëseardhjen z. Hanrahan në Kosovë, duke theksuar se SHBA-të janë aleat i pakundërshtueshëm i Republikës së Kosovës, e cila do të mbetet gjithmonë një partner i besueshëm. Ai e përcolli falënderimin e thellë për mbështetjen e vazhdueshme dhe kritike që Amerika ofron për vendin.

Gjatë darkës, temat e diskutimit përfshinë marrëdhëniet bilaterale Kosovë–SHBA, për investime, diplomaci dhe mbrojtje, si dhe progresin në integrimin euro-atlantik të vendit. Kryeministri theksoi gatishmërinë e qeverisë për të thelluar e forcuar më tej këto raporte.

Po ashtu, në tavolinë u trajtuan gjendja politike aktuale, bashkëpunimi rajonal dhe raportet me Serbinë.

Ky takim konsolidon edhe një herë mbështetjen strategjike midis Kosovës dhe SHBA-së, dhe shërben si platformë e përbashkët për diskutim mbi sfidat e ardhshme dhe mundësitë e bashkëpunimit bilateral.

Njoftimi i plotë nga Zyra e Kryeministrit: 

Kryeministri Kurti takoi zyrtarin e lartë të Departamentit amerikan të Shtetit për Çështje Evropiane, Brendan Hanrahan

 Prishtinë, 12 korrik 2025

Në rezidencën e ambasadorit amerikan në Kosovë, Kryeministri në detyrë i Republikës së Kosovës, Albin Kurti zhvilloi sonte një darkë pune me zyrtarin e lartë të Departamentit amerikan të Shtetit për Çështje Evropiane, Brendan Hanrahan, darkë kjo e shtruar nga e ngarkuara me punë në Ambasadën e Shteteve të Bashkuara të Amerikës në Kosovë, Anu Prattipati. Bashkë me kryeministrin Kurti, ishin ministrja në detyrë e Ekonomisë, Artane Rizvanolli dhe ministri në detyrë për Komunitete dhe Kthim, Nenad Rashiq.

Kryeministri Kurti i uroi mirëseardhje z. Hanrahan në Kosovë, teksa theksoi se Shtetet e Bashkuara të Amerikës janë aleat i palëkundur për vendin tonë dhe Republika e Kosovës do të jetë gjithmonë partner i besueshëm i tyre. Gjithashtu, shprehu mirënjohjen e tij dhe të popullit të Kosovës për mbështetjen e vazhdueshme dhe kritike të Shteteve të Bashkuara të Amerikës.

Gjatë darkës, u diskutua për marrëdhëniet bilaterale ndërmjet Kosovës dhe Shteteve të Bashkuara të Amerikës, përfshirë në fushën e investimeve, të diplomacisë e të mbrojtjes, si dhe progresin e Republikës së Kosovës në integrimin e saj euro-atlantik. Kryeministri Kurti shprehu vullnetin dhe gatishmërinë e Qeverisë për thellimin dhe forcimin e mëtejmë të raporteve dypalëshe.

Zhvillimet aktuale politike, bashkëpunimi rajonal dhe raportet me Serbinë, ishin po ashtu pjesë e diskutimit në takim./lajmi.net/