Guenther Steiner ka folur për negociatat me Mick Schumacher.

Mick Schumacher nuk e ka të qartë se si do të duket e ardhmja e tij në Formula 1. Shumë zëra e lidhin atë me një ndryshim të mundshëm të skuadrës.

Lidhur me të ardhmen e pilotit gjerman ka folur edhe kryesori i Haas, Guenther Steiner, i cili ka thënë se s’ka aktualisht negociata mes palëve.

“Nuk jam i sigurt se çfarë po bën Mick, por akoma s’kam folur me të për sezonin e ardhshëm”, ka thënë Steiner, transmeton lajmi.net.

“Ai nuk flet me ne, dhe ne s’po flasim me të po ashtu. Ne duam të dimë çfarë po ndodh, sikur ju”, shtoi tutje kryesori i Haas.

Schumacher ka bërë një sezon mjaft të mirë, ndonëse s’ka marrë ndonjë fitore ose podium. /Lajmi.net/