Mbrojtësi Stefan De Vrij do ta vazhdojë karrierën te skuadra e Interit.

Reprezentuesi holandez dhe Interi kanë arritur marrëveshje për zgjatjen e kontratës, shkruan lajmi.net.

Me kontratën e re De Vrij do të jetë i lidhur me klubin zikaltër deri në vitin 2025.

Lajmin e ka konfirmuar klubi i Interit me anë të një komunikate të lëshuar në uebfaqe.

FC Internazionale Milano njofton se ka arritur marrëveshje për vazhdimin e kontratës së lojtarit Stefan De Vrij: mbrojtësi i lindur në vitin 1992 do të jetë me Nerazzurrët deri në vitin 2025” – thuhet në komunikatë.

De Vrij kishte kontratë me “Nerazzurrët” deri në muajin qershor të këtij viti.

31-vjeçari është pjesë e Interit nga vera e vitit 2018 kur u transferua si lojtar i lirë nga Lazio.

Më parë ai karrierë ka bërë edhe në Holandë te Feyenoord./Lajmi.net/