Sllovakia ndalon përdorimin e vaksinës AstraZeneca

19:09 | 11 Maj 2021

Ministria e Shëndetësisë së Sllovakisë njoftoi sot se po pezullon përdorimin e vaksinës AstraZeneca për njerëzit që nuk kanë marrë ende dozën e parë.

Ministria tha se do të vazhdojë të përdorë vaksinën e Oksfordit për njerëzit që duan të marrin një dozë të dytë të vaksinës, duke shtuar se alternativa të ndryshme po konsideroheshin për të vazhduar vaksinimin, raporton Reuters.

Në njoftimin e saj, ministria sllovake tregoi edhe arsyet e marrjes së këtij vendimi.

Vendimi për të ndaluar përdorimin e vaksinës AstraZeneca erdhi pasi rregullatori i ilaçeve javën e kaluar raportoi vdekjen e një gruaje (47), e cila ka shumë të ngjarë të ketë lidhje me vaksinën.