Pas konferencës për media, Kombëtarja e Shqipërisë ka kryer edhe seancën e fundit stërvitore para ndeshjes së nesërme me Kroacinë.

Skuadra e Sylvinhos kreu stërvitje të lehta para ndeshjes së nesërme, të cilat zgjatën afro 50 minuta.

Bëhet e ditur se të gjithë lojtarët morën pjesë në stërvitje, dhe se të gjithë janë të gatshëm për nesër kundër Kroacisë.

Nesër me fillim nga ora 15:00, stadiumi “Volksparkstadion” i Hamburgut do të jetë nikoqir i ndeshjes mes Shqipërisë dhe Kroacisë, e vlefshme kjo për Grupin B të Kampionatit Evropian Euro 2024.