Mediat greke raportojnë se sy shqiptarë të moshës 40 dhe 32 vjeç, janë arrestuar ditën e mërkurë në Ilia të Greqisë.

40-vjeçari shqiptar, identiteti i të cilit nuk bëhet i ditur, është arrestuar pas një denoncimi të prindërve të një vajze 14-vjeçare, të cilës i kishte bërë disa herë presion nëpërmjet profileve të rreme në rrjetin social Facebook për t’i dërguar fotografi nudo.

Pas arrestimit nga policia 40-vjeçarit i janë gjetur në telefonin e tij më shumë se 500 foto vajzash të mitura në poza të pahijshme.

Ndërkohë shtetasi shqiptar 32-vjeçar është arrestuar pasi ishte në dijeni për veprimet e bashkëkombësit të tij dhe e ndihmonte për këtë veprimtari të jashtëligjshme.

Pas verifikimit të të dhënave të dy shtetasit rezultuan emigrantë të paligjshëm në shtetin fqinj.