Deputetët e Kuvendit të Kosovës janë mbledhur sot për të zhvilluar seancën e radhës në kuadër të tentimeve për konstituim të Kuvendit.

Në këtë seancë të pranishëm ishin deputetë në numër të mjaftueshëm që krijonin kuorumin.

Kryesuesi i seancës, Avni Dehari si çdo seancë tjetër ka thirrur partitë e tjera politike që të propozojnë nga një përfaqësues për krijimin e komisionit për votim të fshehtë.

Pavarësisht kësaj propozim nuk pati dhe ky votim mori vetëm 58 vota për.

Seanca e sotme e 44-të me radhë përfundoi, duke u mbledhur sërish pas 48 orëve./Lajmi.net/