Serbët nuk ndalen, ja çfarë shkruhet sot për Majlindën

15:59 | 9 Gusht 2016

Mediat serbe nuk e kanë pritur aspak mirë suksesin e Kosovës në debutimin e saj në Lojëra Olimpike.

Majlinda Kelmendi e fitoi medaljen e artë olimpike, duke bërë bujë në tërë botën, derisa serbët nuk kanë fituar ende medalje në “Rio 2016”.

“Ndërsa Serbia po e pret ende medaljen e parë, Kosova veç e ka fituar të artën”, ka shkruar e përditshmja serbe, “Vesti”, në versionin e saj online, përcjellë Zëri.

“Pas shtetit të vetëshpallur të Kosovës, medaljen e artë e ka fituar edhe Kroacia”, vazhdon shkrimi.

“Vesti” përmend faktin se serbët e kanë një seri të rezultateve të këqija, si në aspektin individual, ashtu edhe në atë ekipor.