Roma ka dështuar të vendoset në pozitën e tretë në Serie A pasi ka pësuar disfatë në shtëpi nga Sassuolo.

“Giallorossi” u mposht 3:4 nga Sassuolo në stadiumin “Olimpico” në kryeqytetin italian, shkruan lajmi.net.

Mbrojtësi i Shqipërisë, Marash Kumbulla ishte “figura tragjike” e Romës i cili u përjashtua me karton të kuq në pjesën e parë.

Laurentie me dy gola në minutat 13 dhe 18-të i dha epërsinë e dyfishtë skuadrës mysafire.

Roma u rikthye në lojë me golin e Zalewskit në minutën e 26-të dhe kur të gjithë menduan se ekipi vendas mund të përmbys rezultatin, Kumbulla u përjashtua me karton të kuq në fund të pjesës së parë pasi shqelmoi sulmuesin e Sassuolos, Berardin.

Ky i fundit shënoi nga penalltia në minutën e tretë shtesë.

Dybala shënoi për Romën në minutën e 51-të, mirëpo mysafirët u kundërpërgjigjën sërish me golin e Pinamontit 15 minuta para fundit.

Krejt çfarë bën kryeqytetasit ishte goli i Wijnaldum në minutën e pestë shtesë.

Roma tani ka 47 pikë në pozitën e pestë. Sassuolo është e 13-ta me 33 pikë./Lajmi.net/