Zyrtari i LDK-së, Berat Rukiqi, pohon se rritja e Lidhjes Demokratike të Kosovës është bërë “halë në sy” për secilin kundërshtar politik, “brenda partive politike dhe jashtë partive politike”.

Në një reagim në profilin e tij në Facebook, Rukiqi tha se “nese na vjen rradha të krijojmë shumicë, ne e kërkojmë udhëheqjen e Qeverisë. Kjo as nuk është mungesë guximi, e as ikje nga përgjegjësia”.

“Këto dy realitete, kanë mobilizuar kundërshtarët politik, pa asnjë dallim, të na sulmojnë: me agjendë të qartë, pa takt dhe me timing të caktuar”, vijon ai.

Reagimi i tij i plotë:

2 fakte dhe një skenar

T’i themi gjërat qartë dhe me rradhë.

1. Rritja organike e Lidhjes Demokratike të Kosovës, rritje prej 70%, më e larta në historikun e zgjedhjeve demokratike në Kosove, është bëre “halë në sy” për secilin kundërshtar politik, brenda partive politike dhe jashtë partive politike;

2. Pozicionimi i qartë politik, për procesin dhe jetën politike paszgjedhore, është baza e sulmeve dhe “shantazhit publik”, kundër Lidhjes Demokratike të Kosovës

Qartësia për rradhën dhe veprimet tona, në leximin e rezultatit zgjedhor, nuk po ju pëlqen, të gjithë kundërshtarëve politik, pa dallim.

Pra le ta themi qartë: Nese na vjen rradha të krijojmë shumicë, ne e kërkojmë udhëheqjen e Qeverisë. Kjo as nuk është mungesë guximi, e as ikje nga përgjegjësia.

Këto dy realitete, kanë mobilizuar kundërshtarët politik, pa asnjë dallim, të na sulmojnë: me agjendë të qartë, pa takt dhe me timing të caktuar.

Sa i përket parimeve, për të cilat po “na dojnë të mirën, të njejtit kundërshtar, ne asnjëherë, nuk bëjmë kompromis: çdo pretendim i faktuar për manipulim votash, vendin e ka në organe, e jo në rrjete sociale.