Reprezentuesi i Gjermanisë do të jetë pa kontratë në fund të këtij sezoni dhe akoma nuk ka nënshkruar marrëveshjen e re për qëndrimin në ‘Stamford Bridge’.

Rudiger ka rritur tashmë presionin e tij ndaj skuadrës, me negociatat që po vazhdojnë.

Raportime nga Britania e Madhe bëjnë të ditur se Chelsea ka filluar të afrohet me kërkesën e Rudiger për 200 mijë funte për javë, përcjell lajmi.net.

Situatën e lojtarit vazhdojnë ta përcjellin me vëmendje skuadra si Real Madrid dhe Paris Saint Germain.

Të dyja synojnë transferimin me parametra zero të lojtarit, por paga e tij mund të jetë problematike.

Siç qëndron situata, Chelsea ka në dorë lojtarin – por duhet t’i plotësojë dëshirat e tij të aspektit financiar. /Lajmi.net/