Reshitaj: Kufijtë fizik të pa rëndësishëm përballë ligjeve të natyrës
Në kuadër të vizitës zyrtare në Tiranë, Ministrja e Mjedisit dhe Planifikimit Hapësinor Albena Reshitaj takoi Presidentin e Republikës së Shqipërisë Ilir Meta.
![](https://lajmi.net/wp-content/uploads/2017/11/download-3-5.jpg)
Lajme
Pasi falënderoj shtetin shqiptar për kontributin që ka dhënë dhe po jep në lirinë dhe pavarësinë e Kosovës, respektivisht në ndërtimin e shtetit dhe forcimin e subjektivitetit ndërkombëtar të saj, ministrja Reshitaj shprehu përkushtimin e saj maksimal në thellimin e bashkëpunimit dhe realizimin e projekteve të përbashkëta në fushën e mjedisit.
Kufijtë fizik janë të pa rëndësishëm përballë fuqisë dhe ligjeve të natyrës dhe ndikimit që kanë në jetën dhe mirëqenien e qytetareve, andaj ne mjedisin këtej dhe andej Alpeve do ta trajtomë si një, duke u kujdesur që vendi ynë të dukët ashtu siç e meriton, si një vend i shkëlqyer turistik, shtoi nder të tjerash Ministrja Reshitaj.
Nga ana tjetër Presidenti i Shqipërisë Ilir Meta uroi ministren për detyrën e re, duke ofruar përkrahjen e tij dhe të shtetit shqiptar në rrugën e zhvillimit dhe integrimit të Kosovës në mekanizmat ndërkombëtar.
Bashkërisht duhet të angazhohemi fuqishëm në ruajtjen e mjedisit dhe trashëgimisë së përbashkët , dëshmi e këtij angazhimi është edhe vizita e ministres Reshitaj që bashkë me ministrin Blendi Klosi të hedhin hapat e parë në këtë drejtim, përfundoi Presidenti Meta./Lajmi.net/