Refuzohet Reali
Cruzeiro ka refuzuar edhe ofertën e dytë të Real Madridit për transferimin e mesfushorit Lucas Silva në Santiago Bernabeu. Klubi nga Belo Horizonte kërkon 15 milionë euro për shitjen e tij.
Sport
Vazhdojnë negociatat mes Real Madridit dhe Cruzeiros për transferimin e mesfushorit Lucas Silva.
Por, sipas “Marca.com”, klubi brazilian ka refuzuar ofertën e dytë të Los Blancos. E para ishte prej rreth 12 milionë euro që nuk përmbushi kërkesën e Cruzeiros.
Por, klubi nga Belo Horizonte e ka refuzuar edhe të dytën duke insistuar se nuk do të shesë Silvan për më pak se 15 milionë euro.
Pikërisht kaq është i gatshëm të paguajë Arsenali në Premierligë, mirëpo dëshira e futbollistit është që të luajë në Santiago Bernabeu.