Me rezultatin minimal 1:0, Real Madrid ka mposhtur Atleticon për tri pikë të reja në kuadër të La Liga, shkruan lajmi.net.

‘Los Blancos’ e nisën shumë mirë sfidën, duke pasur disa raste në pjesën e parë, njësoj si Atletico, por asnjëra skuadër nuk gjeti rrugën e golit.

Lojtarët e Zidane vazhduan të kërkojnë golin edhe në pjesën e dytë, dhe kur po luhej minuta e 56’, ishte Karim Benzema ai që shënoi për 1:0, duke shfrytëzuar asistimin e dhënë nga Ferland Mendy.

Me këtë fitore, Real Madrid ngritët në kuotën e 49 pikëve, duke shkuar përkohësisht në gjashtë pikë diferencë me Barcelonën.

Atletico Madrid në anën tjetër mbetet me 36 pikë dhe mban pozitën e pestë, me mundësi për të rënë më poshtë, deri në fundin e xhiros. /Lajmi.net/