Ramsey: Erdha te Juventus për ta fituar Ligën e Kampionëve
Aaron Ramsey ka shpjeguar pse vendosi të transferohet te Juventus.
Sport
Ramsey, i cili dikur ka luajtur me skuadrën e Arsenal, vendosi të transferohej te skuadra e Juventus.
Këtë zgjedhje, uellsiani e ka justifikuar me dëshirën e tij për të fituar një trofe të Ligës së Kampionëve.
“Ishte një pozitë e mirë në të cilën isha, por ishte situatë e çmendur asokohe. Askush nuk e dinte çfarë do të ndodhte. Por, një nga aryset kryesore për të ardhur te Juventus ishte të fitoja ligën dhe Ligën e Kampionëve”, ka thënë Ramsey, transmeton lajmi.net.
“Ata trokitën në derë dhe unë kisha dëshirë të ndihmoja ata për triumf në Ligën e Kampionëve”, ka shtuar lojtari.
Ramsey i bashkohej skuadrës së Juventus, nga Arsenal, si lojtar i lirë, pasi kontrata e tij kishte skaduar. /Lajmi.net/