Forcat qeveritare tash kontrollojnë pjesët më të rëndësishme të qytetit, tha zëdhënësi i këtij këshilli, Andrei Lisneko, transmeton agjencia e lajmeve AP.

Mediet ukrainase njoftuan se sot në mëngjes në qytetet ka hyrë një kolonë e teknikës rusë pa shenja, si dhe 1,200 ushtarë në “uniforma të gjelbra”, duke mos cekur detaje të tjera.

Në Lluhansk është shpallur gjendje e katastrofës humanitare, pasi që aty tash e 18 ditë nuk ka ujë e energji elektrike, kurse lidhjet telefonike janë të ndërprera.

Rusia javën e kaluar ka dërguar një “konvoj humanitar” për të ndihmuar popullatën e këtij qyteti, por autoritetet ukrainase nuk lejuan që kamionët të kalojnë kufirin.