Hetuesit policor të stacionit policor në Veri gjatë ditës së sotme kanë sekuestruar dy armë zjarri dhe 271 fishekë.

Materialet e konfiskuara lidhen me një rast kanosje të ndodhur me datën 29 prill.

‘’Drejtoria Rajonale e Policisë – Prishtinë, po ndërmerr të gjitha masat e nevojshme policore për të siguruar rendin dhe qetësinë publike në rajonin e Prishtinës. Në kuadër të veprimeve operative që po kryen policia me qëllim parandalimin dhe zbulimin e veprave kriminale, sot nga hetuesit e stacionit policor Veriu në Prishtinë, pas raportimit të një rasti kanosje (me 29.04.2023), dy personave u janë sekuestruar: dy armë zjarri, pesë karikatorë dhe 271 fishekë’’, thuhet në njoftimin e PK-së.

Materialet e konfiskuara

Ndaj dy personave, janë iniciuar raste për mbajtje në pronësi, kontroll ose posedim të pa autorizuar të armëve./Lajmi.net/