Presidenti amerikan Donald Trump ka përkujtuar 25-vjetorin e sulmeve terroriste të 11 shtatorit 2001, gjatë një ceremonie në Pentagon, ku vuri në pah unitetin e amerikanëve dhe heroizmin e atyre që humbën jetën duke shpëtuar të tjerët.

Trump i cilësoi sulmet “një moment I një të keqeje të madhe dhe të tmerrshme”, duke theksuar se ato përbënin një nga provat më të rënda për Shtetet e Bashkuara, por njëkohësisht bashkuan vendin përballë terrorizmit.

“Sot, ne ripërtërijmë betimin e shenjtë që bëmë për herë të parë në emër të tyre 25 vjet më parë. Ne nuk do ta harrojmë kurrë. Pikërisht për këtë arsye luftojmë sot. Ne nuk kemi zgjidhje tjetër. Vetëm fitorja mund të vijë”

Presidenti amerikan u ndal edhe te mënyra se si amerikanët reaguan pas sulmeve, duke e cilësuar 11 shtatorin si një moment që tregoi karakterin e vërtetë të kombit.

“Koha nuk e ka zbehur nderin e asaj dite kur vendi ynë u përball me të keqen e vërtetë. Por këtë mëngjes ne kujtojmë gjithashtu se si Amerika iu përgjigj asaj të keqeje. në ditë si 11 shtatori ne mësojmë se nga çfarë është bërë vërtet një vend. Heronjtë tanë janë ata që futen me vrap në ndërtesa dhe japin jetën e tyre një të martë në mëngjes për të huaj që nuk i kanë takuar kurrë”

Trump e paraqiti reagimin e amerikanëve pas sulmeve si dëshmi të qëndrueshmërisë dhe kohezionit të vendit, duke vënë në dukje se në ditë të tilla bëhet e qartë se cilat janë vlerat dhe karakteri i një kombi. Gjatë fjalimit, presidenti amerikan iu referua edhe sfidave të sotme gjeopolitike, veçanërisht përplasjes me Iranin. Trump e cilësoi regjimin iranian si “sponsorin numër një të shtetit të terrorizmit në botë” dhe përsëriti qëndrimin e tij se Teherani nuk duhet të pajiset me armë bërthamore. “Ne po testohemi sot dhe po e fitojmë këtë provë me shumë lehtësi”, tha Trump.