Hulumtuesi i Institutit Kosovar për Drejtësi, Gzim Shala, ka deklaruar se mbyllja e seancës konstituive pa zgjedhjen e të gjithë kryesisë së Kuvendit përbën shkelje të qartë kushtetuese.

Ai tha se është ofendim të pretendohet se Kuvendi është konstituuar, pasi Kushtetuta e përcakton qartë momentin kur kjo ndodh.

Shala ka theksuar se mbetet të shihet nëse presidentja Osmani do të ushtrojë kompetencat e saj kushtetuese për funksionimin e rregullt të institucioneve apo do të ndjekë qëndrimin politik të Vetëvendosjes.

“Fillimisht duhet të theksuar faktin se është ofendim i intelegjencës të thuhet se Kuvendi është konstituuar në rastin konkret kemi të bëjmë haptazi me shkelje kushtetuese dhe kushtetuta e ka përcaktuar qartë kur është Kuvendi i konstituuar. Në këtë situatë është me rëndësi tëdihet pozicioni i presidentes së Kosovës nëse ajo do ta ushtrojë kompetencat e saj kushtetuese drejt formimin adekuat institucional apo thjeshtë do ta luajlojën e Vetëvendosjes. Sipas kushtetues së RKS, krahas deputetëve edhe presidentja mund ta referojë rastin në gjykatën Kushtetuese dhe kushtetuesja mund të vendosë masë të përkohshme që të mos procedohen tutje me vendime e tjera deri në momentin kur nxirret një aktgjykim përkitazi me çështjen. Por ajo që dihet dhe është e qartë është që Kushtetuta është shkelur dhe nuk kemi kuvend të konstituuar”, tha ai./21Media