Presidenti i La Liga-s, Tebas i emocionuar për rikthimin e CR7: Do ishte bukur
Presidenti i La Liga-s, Javier Tebas është i emocionuar për rikthimin e mundshëm te Cristiano Ronaldos.
Sport
Mediat e njohura spanjolle, si El Chiringueto dhe Cadena Cope raportuan se portugezi do lejohet të largohet gjatë verës nga Juventus dhe agjenti i tij Jorge Mendes, ka kontaktuar “Los Blancos”, transmeton lajmi.net.
Gjithashtu, trajneri Zinedine Zidane tha se rikthimi i Ronaldos është i mundshëm.
I hapur për këtë rikthim është edhe Tebas, i cili e quan Ronaldon gjeni dhe yll.
“Ai vazhdon të bëjë ndryshimin, është ende gjeni dhe yll. Është lojtar i bërë në Madrid, do ishte bukur”, tha ai.
Ish ylli i Manchester Unitedit, është golashënuesi numër një në histori të Realit me 450 gola në vetëm 438 ndeshje./Lajmi.net/