Agjencia ka intervistuar disa të rinj nga Moska, të cilët kanë thënë, se ata dhe prindërit e tyre janë detyruar të plotësojnë një pyetësor me 60 pyetje, lidhur me anëtarët e familjes, qëndrimet politike, situatën financiare, dhe se si janë informuar për protestat e Navalnyt.

Nuk është bërë e ditur nëse pyetësori u është shpërndarë të rinjve edhe në qytete të tjera.

Prezenca e madhe e të rinjve në protestat kundër korrupsionit në afër 100 vendbanime rreth Rusisë, ka tërhequr vëmendjen e Kremlinit.

Zëdhënësi i Presidentit rus Vladimir Putin, Dimitry Peskov, pati thënë një ditë pas protestave se të rinjve u janë premtuar “shpërblime” nëse marrin pjesë në protesta.

Qindra mijëra persona kanë qenë pjesëmarrës në protestat e 26 marsit, kundër korrupsionit.