Prej 20 ditësh në sheshet e kryeqytetit numër i madh i protestuesve kanë vazhduar të protestojnë e të kërkojnë drejtësi për ish-krerët e UÇK-së në Hagë.

Pas vendimti të Gjykatës Speciale për 81 vite burgim ndaj Hashim Thaçit, Kadri Veselit, Rexhep Selimit dhe Jakup Krasniqit në Kosovë po kërkohet që të miratohet Ligji për Dhomat e Specializuara.

Votimi në parim i hapi rrugës miratimit të këtij ligji, por gjithcka ngeci në momentin kur ky ligj nuk u shty përpara që të votohet në lexim të dytë.

Krejt kjo më pas tensionoi protestuesit të cilët hodhën fishekzjarrë e mjete të tjera piroteknike në drejtim të institucioneve. Pas kësaj protesta u bë edhe më e ashpër kur deputetët nisën të dalin nga Kuvendi dhe protestuesit refuzonin t’ua lejonin daljet. Kësisoj Policia nisi të përdorte gaz lotsjellës, sprej e deri në rrahje të protestuesve.

E sot protestuesit sërish janë duke u mbledhur përreth institucioneve kryesore të vendit. Forca të shtuara policore sot ka në të gjitha anët. Dëme të mëdha vërehet të jenë në objektin e Qeverisë deh të Kuvendit.

Shumë prej tyre janë vendosur në dritaret e objekteve, e mbi kulmet e këtyre objekteve.

Snajperistë e zyrarë të tjerë policorë po përcjellin nga afër secilën lëvizje për të ofruar siguri sa më të madhe për qytetarët dhe për institucionet./Lajmi.net/