Sot gjatë ditës në Suharekë, në fshatin Popolan, është raportuar se një person është plagosur me armë zjarri.

Për lajmi.net, e ka konfirmuar zëdhënësi i Policisë Rajonale në Prizren, Vesel Gashi.

“Me datën 12.07.2024 rreth orës 11:57, Stacioni Policor në Suharekë ka pranuar informacion se në fshatin Popolan komuna e Suharekës dyshohet se një person meshkuj kosovar i vitit të lindjes 1970 ka pësuar lëndim të rëndë trupor nga arma e zjarrit. Të gjitha njësitet policore relevante kanë dalë në vendin e ngjarjes ku gjatë ekzaminimit të vend ngjarjes kanë gjetur dhe konfiskuar një armë zjarri pistoletë së bashku me një karikator, shtatë fishekë dhe një gëzhojë.”

Gashi tutje shton se i dyshuari që plagosi personin, është identifikuar, lokalizuar dhe arrestuar. Ndërsa të njëjtit i është caktuar masa e ndalimit për 48 orë.

“I dyshuari i rastit mashkull kosovar nga njësite patrulluese dhe njësiti i hetimeve rajonale Prizren është identifikuar, lokalizuar dhe arrestuar. Me urdher te Prokurorit kujdestar te dyshuarit iu eshte caktuar masa e ndalimit per 48 ore.Njësitet policore në koordinim me Prokurorin e Shtetit aktualisht janë duke punuar në hetimin e të gjitha rrethanave të rastit” tha Gashi.” /Lajmi.net/