Peticioni për ndalim të 5G-s është hequr për të ndaluar përhapjen e dezinformatave
Një peticion në internet që pretendon se 5G është përgjegjës për pandeminë e koronavirusit është hequr pasi të ketë marrë më shumë se 100,000 nënshkrime.
Auto & Tek
Peticioni Change.org citoi një teori të pabazë të komplotit në lidhje me rreziqet e supozuara të shëndetit të teknologjisë pa tela të gjeneratës së pestë, e cila kohët e fundit ka fituar tërheqje të konsiderueshme nëpër media sociale, transmeton lajmi.net.
Një zëdhënës për Change.org i tha “The Independent” se peticioni ishte fshirë sepse shkonte kundër fakteve të vendosura shkencore rreth 5G.
Një nga pretendimet e pabazuara është se rrezatimi i emetuar nga kullat 5G thith oksigjenin nga atmosfera dhe ndikon në aftësinë e njerëzve për të marrë frymë.
Në peticion theksohej se qeveria e Mbretërisë së Bashkuar duhet të ndalojë menjëherë përdorimin e rrjetit për të mbrojtur shëndetin e njerëzve.
Sipas Organizatës Botërore të Shëndetit, asnjë efekt negativ shëndetësor nuk i është atribuar valëve elektromagnetike të emetuara nga infrastruktura e telefonisë celulare. /Lajmi.net/