Në të vërtetë, hetime të ngjashme ishin nisur para disa dekadash, por ato ishin ndërprerë. Njëri nga detektivët që u pensionua pas viteve  ‘90-të tha se ato kishin marrë fund pas “disa telefonatave” që e kërkonin një gjë të tillë.

Akuzat për abuzime seksuale me të mitur ndaj ish-kryeministrit ishin ardhur nga një drejtuese e një lokali nate ku kishte edhe prostituta, ku Heath pretendohet se ishte njëri nga klientët.

Gruaja, identiteti i së cilës nuk bëhet i ditur por që më vonë u dënua me 6-vjet heqje lirie, ka thënë se prostituonte vajza nga 13-vjeç.

Fondacioni me emrin e ish-kryeministrit ka mirëpritur rifillimin e hetimeve, pasi kërkojnë që emri i Heath, që vdiq para dhjetë vitesh, të pastrohet.

Sir Edward Heath ishte kryeministër i Britanisë nga viti 1970 deri më 1974, ai gjithashtu ishte edhe lider i Partisë Konservatore për dhjetë vite, saktësisht nga 1965 deri më 1975.

Ai u pasua nga Margaret Thatcher, të cilën ai kurrë nuk e fali, pasi më vonë refuzoi të shërbente edhe në kabinetin e saj. /Top Channel