Në orët e mëngjesit Njësia Speciale e Kosovës ka zhvilluar një operacion në Agjencinë për Zhvillimin e Bujqësisë. Nga ky aksion ka janë arrestuar disa persona ndër ta në pranga ka përfunduar edhe Agim Nuha, drejtor i  autorizimit të pagesave.

Marrje ryshfeti është vepra penale që dyshohet se përfshinë të arrestuarit.

Lidhur me zhvillimet e fundit, zëdhënësi i Policisë, Baki Kelani ka thënë për lajmi.net, se janë duke e realizuar një operacion policor në disa lokacione, në rajone të ndryshme të vendit.

Kelani nuk ka dhënë detaje shtesë për çfarë janë këto aksione.

“Mund të konfirmojmë se, Policia e Kosovës është duke e realizuar një operacion policor në disa lokacione, në rajone të ndryshme. Informacione shtesë mund të jipen pas përfundimit të operacionit policor”, ka thënë Kelani. /Lajmi.net/