Liverpool që ka dy fitore dhe një barazim pas tre ndeshjeve të para, do të kërkoj fitoren për të ndarë kreun e tabelës me Man Utd dhe Chelsean.

Leeds ndërkohë kanë grumbulluar vetëm dy pikë pas tre xhirove të para, duke u gjendur aktualisht në pozitën e 17-të në tabelë. 

Për të dy skuadrat fitorja është shumë e rëndësishme ndonëse tabela tregon që tre pikët vlejnë për objektiva totalisht të ndryshëm. 

Më poshtë ju sjellim të rejat nga lëndimet para këtij ballafaqimi, dhe gjithashtu statistikat kokë më kokë dhe statistikat veçmas të të dyja skuadrave. 

Të rejat nga lëndimet:

Stuart Dallas është në dispozicion për Leeds pavarësisht tërheqjes nga detyra ndërkombëtare për arsye personale, ndërsa Junior Firpo dhe Mateusz Klich janë shëruar nga Covid-19.

Nënshkrimi i ri Daniel James mund të luajë dhe Raphinha mundet të luaj pasi skuadrat angleze morën dritën jeshile nga FIFA për t’i lejuar brazilianët të jenë të gatshëm për selektim.

Liverpooli është pa Roberto Firmino të dëmtuar, por Virgil van Dijk dhe Harvey Elliott janë në formë. James Milner është kthyer në stërvitje, por është një dyshim. Ashtu si Raphinha, Alisson Becker dhe Fabinho pritet të luajnë pasi klubet e Premier Ligës duket se kanë zgjidhur këtë problem.

Kokë për kokë:

• Fitorja më e fundit e Leeds ndaj Liverpoolit në të gjitha garat erdhi në ligë më shumë se 20 vjet më parë.
• Liverpool mund të bëhet skuadra e parë që regjistron 50 fitore të nivelit të lartë kundër Leeds.
• Bardhezinjtë nuk kanë mbajtur një portë të paprekur kundër Liverpoolit në 22 takime të ligës që nga barazimi pa gola në Prill 1999.

Leeds:

• Leeds mund të dështojë të fitojë secilën nga katër ndeshjet e para të një sezoni për herë të parë që nga viti 1958-59.
• Ata gjithashtu mund të barazojnë ecuinë e tyre më të gjatë pa fitore në ligë nën Marcelo Bielsa.
• Sidoqoftë, skuadra e Bielsa është e pamposhtur në shtatë ndeshje të ligë në Elland Road (W3, D4). Ata nuk kanë ecur më mirë që nga një seri prej 15 ndeshjesh në 2001.
• Patrick Bamford ka 98 gola në ligë në karrierën e tij dhe ka shënuar katër herë në shtatë paraqitjet e tij të fundit në Premier Ligë. 

Liverpool:

• Liverpool ka aktualisht ecurinë më të gjatë pa humbje në kompeticion, me 13 ndeshje (10 fitore, 3 barazime).
• Ata kanë fituar shtatë nga tetë ndeshjet e tyre të fundit të ligës si mysafir, përfshirë katër të fundit radhazi.
• Mohamed Salah është një gol larg nga të qenit lojtari i 30-të që arrin 100 gola në Premier League – dhe mund të bëhet afrikani i dytë që arrin këtë shifër pas Didier Drogba.
• Ai mund të bëhet lojtari i pestë më i shpejtë që arrin 100 gola në kompeticion, duke luajtur 161 ndeshje, pas Alan Shearer (124), Harry Kane (141), Sergio Aguero (147) dhe Thierry Henry (160).
• Trent Alexander-Arnold ka krijuar 15 shanse të pakrahasueshme në ligë deri më tani këtë sezon.

/Lajmi.net