Të Infektuar: 67.469

Të Shëruar: 58.919

Të Vdekur: 1.582

Orët e fundit si president i SHBA-ve, çfarë po bën Donald Trump?

17:16 | 19 Janar 2021

Donald Trump e ka nisur ditën e tij të fundit si president i Shteteve të Bashkuara të Amerikës. Besohet se ai do ta shfrytëzojë këtë ditë për t’u fokusuar në dhënien e faljeve presidenciale.

Shtëpia e Bardhë ka thënë se Trump “do të bëjë shumë telefonata dhe do të ketë disa takime” – të njëjtat fjalë që janë përdorur për ta përshkruara agjendën e tij gjatë javëve të kaluara.

Mëngjesin e të mërkurës, pak përpara inaugurimit të Joe Biden, Trump do të marrë pjesë në një ceremoni me mbështetësit e tij në Bazën Ajrore Andrews.

Ai më pas – për herë të fundit – do të hipë në aeroplanin presidencial dhe do të udhëtojë në rezidencën e tij të klubit të golfit, Mar-a-Lago, në Florida.

Donald Trump është presidenti i katërt në historinë amerikane që do ta bojkotojë ceremoninë e betimit të pasardhësit e tij.