Portieri i Inter, Andre Onana ka thënë se çdo ditë është duke mësuar diçka të re në aventurën e tij në ‘San Siro’.

Pas humbjes 2:0 ndaj Bayern Munich, portieri i Inter, Onana ka dhënë disa komente, duke mos shfaqur në asnjë pikë humbje të motivit.

Portieri ka thënë se secila ditë për të është sikur një ditë mësimi dhe synimi vazhdon të jetë triumfi.

“mendoj se po përmirësohem çdo ditë duke luajtur me këta djem, të cilët kanë kaq shumë kualitet. Mësoj diçka të re çdo ditë”, ka thënë Onana, përcjell lajmi.net.

“Është një sistem i ri taktik për mua, por unë po mësohem me të dhe ndihem i qetë, sepse e di se gjërat do të shkojnë mirë me këtë skuadër”, shtoi ai.

Onana po vazhdon ta ndajë pozitën e startuesit me Samir Handanovic, por kjo nuk po e pengon ish anëtarin e Ajax që të punojë çdo ditë më shumë. /Lajmi.net/