Sulltane Danqi ka 4 fëmijë dhe më i vogli i saj edhe disa muaj mbush 5 vjet dhe në ditëlindjen e tij të pestë familjes me ligj i ndalet edhe ndihma nga shteti, raporton KTV.

Për këtë Sulltanja dhe bashkëshorti i saj kanë nisur fëmijën e tyre të pestë, të cilin e bëjnë vetëm që të vazhdojnë të marrin 60 deri në 80 euro në muaj.

Për shkak të këtij kushtëzimi, njëjtë veproi edhe një familje tjetër në Gadime, e cila ka 11 fëmijë. Ndonëse më i vogli ka 2 vjet, shteti nuk po u jep asistencën, që për ta është rrogë.

Kështu, ushqimi i një numri kaq të madh fëmijësh është i vështirë dhe atyre u është ndërprerë edhe shkollimi, transmeton Koha.net.

Derisa nuk gjejnë punë, të rinjtë thonë se nuk do ta ndalin lindjen e fëmijëve për shkak të përfitimit të asistencës sociale, raporton KTV.