Një tramvaj vaksinimi po qarkullon nëpër qytetin e Cyrihut

15:51 | 14 Shtator 2021

Tramvaji i parë i vaksinimit është futur në veprim në Cyrih të martën (sot). Deri në 550 persona në ditë mund të vaksinohen në këtë tramvaj, pa qenë paraprakisht të regjistruar, raporton srf.ch.

Qëllimi i angazhimit të tij është të rritet shkalla e vaksinimit.

Tramvaji i vaksinimit shkon në të gjitha pikat ku mund të parkohet një tramva. Vaksinimet e para është planifikuar të jepen të martën pasdite në Bellevue am See (te liqeni).

Ndërsa të mërkurën qarkullimi i tramvajit do të vazhdojë në Hardplatz dhe më pas gjithmonë në një lagje tjetër për gjysmë dite.

Përmes këtij aksioni, qyteti dhe kantoni i Cyrihut duan ta bëjnë vaksinimin sa më të lehtë për ata që janë të gatshëm të vaksinohen.

Sipas drejtoreshës shëndetësore të kantonit, Natalie Rickli, “ata që vaksinohen tani tregojnë tendencën e mosdurimit”, shkruajnë mediat zvicerane.

“Ata nuk duan të presin për një termin”.Kjo është arsyeja pse ofertat si ky tramvaj vaksinimi ose autobusi i vaksinimit janë kaq të rëndësishme.