Një nënë nga Srebrenica i jep lule dhe e përqafon Vuçiqin
Kryeministri serb Aleksandar Vuçiq, në mëngjesin e 20 vjetorit të masakrës së Srebrenisës, ka shkuar në Qendrën Përkujtimorë të Potoçarit, shkruan Tanjug.
Lajme
Vuçiq në Sallën Memoriale të Srebrenicës, në prani të një numri të madh njerëzish, është nënshkruar në librin e ngushëllimeve.
Njëra nga nënat e viktimave të masakrës së myslimanëve të Serbrenicës, e ka përqafuar kryeministrin serb dhe i ka dhënë lule, transmeton Klan Kosova.
Disa nga të pranishmit i kanë fishkëllyer gruas boshnjake, dhe e kanë kritikuar.
Kryeministri Vuçiq, do të marrë fjalën gjatë akademisë përkujtimore ku do të flasin edhe 17 persona të tjerë.
Pas fjalimeve të parapara, në varrezat e Srebrenicës, do të rivarrosen edhe mbetjet e 136 viktimave të identifikuara vitin e kaluar.