Superylli i Paris Saint-Germain, Neymar, ka shënuar 69 gola në 80 paraqitje në të gjitha garat që nga arritja në ‘Parc des Princes’ nga Barcelona për një tarifë transferimi rekord botëror 222 milionë euro  në gusht 2017.

28-vjeçari ka fituar çdo titull vendas në dispozicion në Francë, por dëmtimet, dhe tani pandemia koronavirus, kanë bllokuar përpjekjet e tij për ta çuar PSG-në drejt suksesit në Ligën e Kampionëve, transmeton lajmi.net.

“Më pëlqen shumë Ney, mënyra e tij e të luajturit është e jashtëzakonshme. Por ai duhet të jetë më profesionist si Ronaldo dhe Messi, të cilët jetojnë për futbollin”, i tha Zico Gazzetta Dello Sport.

“Ney ka shumë mendime që e shpërqendrojnë. Unë i fola kohët e fundit dhe i kërkova që të ishte më profesionist”. /Lajmi.net/