“Më datën 03.02. 2015 Agjencia ka hapur rastin nën dyshimin e bazuar se zyrtari në fjalë është në konflikt të interesit. Në ndërkohë që janë ndjekur të gjitha procedurat dhe afatet ligjore që ti jepet mundësia për shmangieje nga konflikti ekzistues i interesit. Zyrtarit i është bërë e ditur se gjatë ushtrimit të funksionit publik si zyrtar i lartë nuk mund të ushtroj funksion menaxhues në biznes privat, kjo për faktin se ligji për parandalimin e Konfliktit të Interesit në Ushtrimin e Funksionit publik e ndalon një gjë të tillë”, thuhet në njoftimin e AKK-së.

Përkundër afateve ligjore të dhëna nga Agjencia duke përfshirë edhe shkresën paralajmëruese, Zeqiri nuk ka ndërmarrë veprimet e nevojshme për tu larguar nga funksioni i personit të autorizuar në biznesin privat në Agjencinë për regjistrimin e Bizneseve të Kosovës, për të shmangur gjendjen e konfliktit të interesit. Andaj si rrjedhojë Agjencia ka kërkuar nga institucioni ku zyrtari i lartë e ushtron funksionin që të fillojë procedurat e shkarkimit të tij, si dhe rastin e ka adresuar për fillim të procedurave kundërvajtës në gjykatën kompetente.