Banorët e Gazës janë shprehur se po përjetojnë luftimet më të ashpra qëkur ka nisur operacioni 13 ditë më parë.

Përmes një deklarate, ushtria izraelite u shpreh se forca të tjera i janë bashkuar përpjekjeve për të luftuar terrorin në Gaza.

Sekretari i përgjithshëm i Kombeve të Bashkuara, Ban Ki-mun pritet të mbërrijë për t’u takuar me liderin e Palestinës, Mahmud Abaz, për t’i ardhur në ndihmë Izraelit dhe Palestinës t’i japin fund dhunës.

Ndërkaq, Hamasi ka kërkuar dy orë armëpushim për arsye humanitare, për të ndihmuar të plagosurit. Kërkesa për armëpushim është bërë nëpërmjet Kryqit të Kuq.