Në sheshin “Zahir Pajaziti” në Prishtinë, numër i madh i qytetarëve po protesojnë duke kërkuar drejtësi për rastin e Arlinda Zekajt.

Në mesin e tyre janë edhe familjarë të Arlindës.

Ata po mbajnë në duar fotografi të saj dhe të djalit të saj me tekste të ndryshme.

Në njërën nga fotografitë e saj, ata kanë cituar fjalinë e saj në letrën që i kishte dërguar kryeprokurores së Prokurorisë Themelore në Pejë, duke i kërkuar mbrojtje dhe duke e informuar për rrezikun që i kanoset.

“Pas vrasjes time, nuk pres të përgjigjeni por pres të mos mund të flini”, thuhet në njërën nga pankartat.

Në fotografinë e saj me të birin, shkruhet “Nana të dua shumë, por duhet të qëndroj te babi”.

Arlinda Sadiku është vrarë të dielën nga kunati i saj në Vitomericë të Pejës. /Lajmi.net/