Muzikanti Niko Segal, emri artistik i të cilit ishte Donnie Trumpet, vendosi ta ndërronte identitetin e tij për shkak të presidentit të zgjedhur të SHBA-ve.

Ai është nga Chicago dhe luan në trombë, ndërsa ia ka ndërruar edhe linkun faqes së tij zyrtare në internet (nga donnietrumpet.com në nicosegal.com).

Këtë veprim e ka ndërmarrë, pasi nuk dëshiron të lidhet me Trumpin për shkak të ngjashmërisë së mbiemrit.

“Ajo që filloi si një shaka, lojë e thjeshtë fjalësh, tashmë nuk është qesharake. Nuk dua që të më lidhin me tonin urryes të Trumpit. Nuk dua që të mos më kuptojnë. Bindjet e Trumpit nuk janë të miat”, ka shkruar Segal. /Telegrafi/