Ish-lojtari i Romës, Philippe Mexes ka thurur disa lëvdata për trajnerin e Napoli, Luciano Spalletti.

Mexes kishte punuar nën urdhrat e Spalletti për një kohë dhe tani është i lumtur me punën që tekniku italian po e bën.

Sipas Mexes, Spalletti ka kthyer veten në një prej trajnerëve më të mirë në botë aktualisht.

“Ndoshta ai është trajneri më i mirë me të cilin kam punuar në karrierën time. Dua të them më shumë, për mua, ai është më i miri aty aktualisht”, ka thënë Mexes, përcjell lajmi.net.

“Ai kujdeset për secilin detaj, ai është kaq i përgatitur. S’është vetëm taktik i shkëlqyer, por ka edhe personalitet dhe ndihmon lojtarët të japin më të mirën”, tha tutje ish-mbrojtësi.

Mexes ka luajtur 172 ndeshje nën urdhrat e Spalletti, mes 2005 dhe 2010. /Lajmi.net/