Lionel Messi ka hyrë në histori të El Clasicos. Ylli argjentinas u bë futbollisti me më së shumti gol të shënuar në ndeshjen më të madhe në botë, ndërmjet Barcelonës dhe Real Madridit.

Katër herë fituesi i Topit të Artë ka shënuar 21 gola, duke e kaluar Di Stéfanon, që ishte ndalur në 19, ndërsa prapa tyre gjenden Raúl (15), Gento, Puskas e César (14). Shumë më larg është Cristiano Ronaldo, me 13.

Argjentinasi i ka shënuar 21 gola nga 27 ndeshje El Clasico, në të cilat luajti.

Numrat e Messit në vitin 2014 flasin vetë. ‘Pleshti’ ka realizuar 21 gola këtë vit. 14 në La Liga, pesë në Kupë dhe dy në Ligën e Kampionëve, ndërsa do të luftojë për çmimin Pichichi pasi ka 21 gola, pesë më pak se Ronaldo.