Trajneri i Athletic Bilbaos, Ernesto Valverde ka thënë se skuadra e tij duhet të ketë kujdes në vizitën në Camp Nou për shkak se “secili prej tyre do të shënojë, sidomos Messi”.

Dhe, ai e di shumë mirë se çka flet.

Ylli argjentinas ka bilanc të jashtëzakonshëm në ballafaqim me skuadrën baske.

Messi ka shënuar shtatë gola në gjashtë ndeshjet e fundit me Bilbaon në Camp Nou, të përfunduara me dy barazime dhe katër fitore të skuadrës së tij.

Andaj, sot me fillim në ora 16:00, Messi do të hyjë në duelin e radhës me ekipin të cilit vazhdimisht ia ka tundur rrjetën.

Por, se a do të arrijë të shënojë edhe sot, kjo mbetet të shihet. Kurse, ju sjellim golin e fundit të Messit ndaj Bilbaos.