Fatih Terim ka dhënë një mesazh të fuqishëm për futbollistët e tij të Galatasarayt gjatë seancës stërvitore: “Do ta mposhtim Real Madridin”.

Gjiganti turk pret nëntë herë kampionin e Evropës të martën në përballjen e tyre të parë në kuadër të grupit B të Ligës së Kampionëve 2013-14.

Kjo do të jetë përsëritje e duelit të tyre nga çerekfinalja e edicionit të kaluar, kur Reali kaloi tutje pas dy takimeve. Mirëpo, trajneri i Galatasarayt, Terim është shprehur me besim të plotë para përballjes së re me ekipin e Carlo Ancelottit, që është përforcuar me uellsianin Gareth Bale.

“Ne do ta mposhtim Real Madridin, askush nuk dyshim në këtë”, u tha Terim futbollistëve të tij gjatë një seance stërvitore, përcjell ‘AMK’.