Kamala Harris është cilësuar si një bullizuese e cila ka bërë kritika të vazhdueshme ndaj stafit të saj, aq sa ka ndikuar në gjendjen e tyre shpirtërore, raporton The Washington Post.

Shkrimi i gazetës, një rezultat i intervistave me 18 persona të lidhur me zëvendëspresidenten – gjithashtu pretendon se ajo nuk do të lexonte njoftimet që ata kishin përgatitur, vetëm për t’i kthyer ato nëse më pas do të kritikohej se ishte e papërgatitur.

Pretendimet nga stafi që punonte për Harris u publikuan mes largimeve të konfirmuara të dy punonjësve të nivelit të lartë, me dy të tjerë që thuhet se gjithashtu do të ikin.

“Është e qartë se nuk po punoni me dikë që është i gatshëm të bëjë përgatitjen dhe punën”, tha një ish-koleg për Washington Post.

“Me Kamalën duhet të durosh një sasi të vazhdueshme kritikash që shkatërrojnë shpirtin dhe gjithashtu mungesën e vetëbesimit të saj. Pra, ju jeni vazhdimisht duke mbështetur një bullizuese dhe nuk është vërtet e qartë pse”, tha stafi i Harris.

Duke shkruar në rubrikën e tij “San Francisco Examiner”, ai tha:

“Një nga gjërat që kemi thënë në grupet tona të vogla të teksteve mes njëri-tjetrit është se cili është emëruesi i përbashkët në gjithë këtë dhe është ajo”.

Duke folur për Washington Post, ai shtoi: “Cilët janë njerëzit e ardhshëm të talentuar që do të sillni dhe do t’i digjni dhe më pas do t’i bëni (ata) të pretendojnë se po tërhiqen për arsye pozitive.”

Njerëz të njohur me bisedat i thanë Politico-s se edhe më shumë ‘anëtarë kryesorë të rrethit të Harris’ po mendojnë largimin dhe kanë shprehur interesim për të ikur në më pak se një vit nga zëvendëspresidenca e saj.

Midis katër punonjësve që largohen nga zyra e Harris janë Symone Sanders, e cila si këshilltare e lartë dhe zëdhënëse kryesore është një nga ndihmësit më të afërt të zëvendëspresidentit. Ashley Etienne, drejtoresha e komunikimit e zyrës po largohet gjithashtu.

Zyrtarët thonë se largimet e Sanders dhe Etienne ishin të planifikuara prej kohësh dhe nuk ishin dëshmi e trazirave të raportuara.Ndërkohë, Gil Duran, i cili punoi me Kamalën për vetëm pesë muaj në vitin 2013 përpara se të largohej, tha se zëvendëspresidentja “po përsëriste të njëjtat modele të vjetra shkatërruese”. /Lajmi.net/